大家好，小編好耐無浦頭，有無些少掛住我呢？ XD
好啦，小弟有d攰，都系快快趣趣寫空訓覺~~~~
今次同大家講d專業d既野，伺服器 – SERVER，好多同鞋會問SERVER同普通電腦有咩分別。系需然都系電腦，但確實系有唔同。
同機地，SERVER架構都系由5大件組成，CPU 處理器,RAM 記億體,HDD 硬碟,DISPLAY CARD 顯示卡,MAINBOARD 主板。但系，佢既穩定性同，效能擴展性，都比一般電腦好好多，尤其系擴展性。先一部份一部份主要元件咁講。
1. CPU 處理器
CORE\THREAD 核心\線程數
首先，一般家用CPU大家都知 i3 i5 i7，而SERVER上用既處理器一般都為XEON，家用既CPU一般就算i7都頂多得8核，但我話你知，XEON有d新款可以單春去到48核96線程！有d SERVER仲可以行雙春或4春，死未~~
你可能會問，要咁多核做咩春?系SERVER上，有d軟件或程式，可以設定到1個核心行幾多個進程Process，小朋友都估到，一核心行越少進程就負荷越細，越快處理完件事(進程)。咁你諗下一部雙春48核96線程 x 雙春 = 192線程，佢同時處理工作既能力，會比一般家用8核多幾多？
CACHE 緩存
CAHCE大家可以簡單理解為一個超快速用黎暫時儲存資料既地方，又可以當佢系好快速既RAM，只系佢生產成本好高，所以CPU內一般CACHE大既，都會貴d。
當然，一粒勁既XEON可以系天聞數字，新款上10幾萬一粒都有(頂級)。
2. RAM 記億體
到RAM，系SERVER上用到既RAM同一般家用RAM系有d唔同，主要系多左個叫 ECC – Error Correction 既功能，簡單講，佢會比一般DESKTOP RAM穩定。
3. HDD 硬碟
到硬碟，硬碟上，最常聽到就系RAID – 陣列 , 咩叫 RAID – Redundant Array ，佢系一種除錯\保險功能，由最低2隻 HDD 組成，一般入門SERVER都會用RAID 5，3隻HDD 起，因為RAID 5安全同速度都兼備，RAID 5 最少由3隻HDD組成，其中一隻會用黎運算parity，有咩用？Parity Disk 系當幾隻HDD中，其中一隻壞左時，佢可以用 Parity Disk 去計翻壞左隻HDD既資料(系咪好神奇呢)，系大企業中，SERVER系SERVER房中，系唔可以熄機既，萬一HDD壞左，RAID 有個功能叫熱拔 – Hot Swap，佢可以唔熄機情況下，remove隻HDD出黎，咁就做到 0 down time。系企業上系非常注重既。
4. MAINBOARD 主板
主板上，其實，就系穩定d，同好多SERVER都支持電隻火牛 = PSU = Power Supply Unit。咁就有 Redundancy ，壞左一隻，另一隻會補上，無需停機。
另外，有d高級SERVER以用到2個CPU甚至4個8個，當然越多效能越好。
通風系統系SERVER上，都會比一般家用機好，睇下下圖，見到成10把好大轉數既風扇，佢系智能加速既，測溫高時會轉得勁快降溫。
當然，機箱前面會有好多個盤位，比我頭先講既RAID – 陣列去用。
用途??
SERVER既用途？當然，佢會系d好需要速度或穩定性既情境用~~~
比如，現今好流行既Virtualization – 虛擬化，就可以系一部好勁既SERVER上面，行好多唔同既OS – Operating System – 系統 , 比如可以行好多個 Windows ， 好多個 Linux ， 最大特點系 Flexible ，佢將d虛擬機，系可以任意Assign CPU核心數，RAM數比d VM – Virtual Machine – 虛擬機！想像下，你可以系完全唔熄機既情況下，甚至可以Assign 多d RAM比部VM~~~~ 0 down time!!! 系企業中系好重要，諗諗，如果你坐地鐵既系統down左，對市民影響幾大？又或者，講，一間企業，如個個file server down 左，會點~~~ 自己體會~~~
VM只系其中一重場合，仲有好多適用既地方，希望日後小編會有時間再寫。
