好多巴打煩惱，點樣用有限預算，買到適合自己既電競本，打機冇煩惱~~~ 其實小編發現，原來好多巴打都唔知點先打到流暢既 LOL , PUBG .. GTA V 等等，買左部機返去，先知，打到 lag 下 lag 下，火都黎，先再問小編有咩好介紹~~
終於，今日小編有時間出下post~~分享下經驗。
預算 – Budget
首先，大家買野，都應該要知自己預算先，買咩都一樣，手頭有5000，點都冇可能一下子升到變去買15000。所以先要知自己預算，超少少唔緊要，可以去籌旗，超得多，呀媽都唔幫拖~~ 系咪先。
其實，平有平玩，貴有貴玩。平到三兩千蚊既機，其實都已經可以打到好順既 LOL ， 不過依級別，要玩到順既 PUBG 就難d。
有限預算 – 預算有限既師兄，可以考慮一d大陸牌子。戰神，麥本本，雷神，我諗好多師兄都聽過，佢地性價比系好好既選擇。聽聞，麥本本仲系台灣一大牌子既OEM廠，所以質量系ok既。
中級選擇 – 至於富有d既人家，咁我就會建議佢地搵d國際大牌，比如LENOVO，DELL，佢地其實同國產牌子裡面都系差唔多，不過好似小編我依d，追外既愛好者，我始終仲意返d外國牌子。Lenovo Y , R ， DELL INS 5000 \ 7000 series 都系打機既好選擇。
大富人家 – 至於大富人家，當然知道就系最好既Alienware 外星人。佢都系DELL既產品系列，但系佢d gaming laptop多數出得spec都好高，GTX 1050 去到 GTX 1080 都有，講緊全新機top spec 要過2萬銀架。
顯示屏尺寸 – Monitor
好到選擇適合既Mon. size，因為香港地，地方有限，好多住家都要盡量省位置，唔放desktop機，咁就會選擇買電競筆記本打機。不過，話時話，電競本，其實主要都系15.6″為主，有顯卡既13″ Ultrabook 系小之有少。所以考慮空間大少都系一個重要因質。
13″
13″有獨顯既筆電，其實好少。，就算有張display card 都唔會太勁，因為佢地細部，如果高級d既顯卡，佢地散熱要求一盤會高d，所以要空間放風扇同散熱管。但系，講到如果系打d中低級game，有張內置Nvidia GT940M \ MX150 其實都系好爽既事，想像下，帶出街13″打 LOL 爆 FPS。你都咪話唔型仔。
15.6″
至於到講下主流既 15.6″ ， 佢地由於機器空間多好多，夠放散熱設備，所以，有d 15.6″ 既機，已經系可以去到 GTX 1070 甚至有 GTX 1080 比如 LENOVO R910 R920 ， 15.6″ 黎講其實都有一定大小，不過，由於佢已經系主流既電競本，想打機既巴打，唔多唔少都會想盡辦法騰出空間去放15.6″。15.6″好處系，一般佢地用既主板蕊片都會比 13″ 、14″ 高級，令到整體效能都會高d，咁自然打機系爽d啦。
唔好睇少一粒主板蕊片，唔同級數主板蕊片可以帶到10-30%既 performance gain.
17″
到17″ 啦，其實，17″市場選擇都系少d，但系不過有d fans ，都系感受大mon既快感。其實各廠家都有賣17″，不過講真，唔多人會選擇17″因為太重，太大，如果想玩大mon. d 人都會接external mon. 玩啦，系咪先？
Alienware 17R4
顯卡 – Display Card
好啦，到最重要一環，顯示卡，display card，打機，當然最緊要系顯卡啦，顯卡系圖像處理中最重要既角色，好啦，等小編我講下有咩要留意先。
GTX1080
GT \ GTX ??
細心既巴打會留意到，NVIDIA 顯卡會有分GT 同 GTX既分別，比如 GT940 \ GTX 960，睇隻字同數字都估到，GTX 同數字越大，性能系越強既。GTX講緊，處理流水線，內核速度，RAM速度，都會比 GT 快。另外 NVIDIA 顯卡，有樣技術叫 CUDA 佢系對一d畫3d render或video editing rendering (rendering = 渲染) 有幫助既技術。
大家可以參考下下面網站既顯卡分數，作你地買本本時既考慮因素。
你地會留意到，一張 GTX 980(上一代 Geforce) 會比GTX 1060 高分，所以，如果追求 FPS 既巴打，唔一定要買最新款黎打，又會平d。
但系，一般新卡，都會多左d新既 3D \ 2D 功能，令到處理一d效果有優化，快d，順d，比如，GTX 1050 有 4K video hardware decoder 內置4K解碼，但如果d舊卡，GTX860 咁講，佢地仲未有 4K decoder 系粒蕊片入面，咁播4K時就會靠 CPU 處理多d，搞到播4K時，部機好 lag , 但相對，如果 video card 有 4K hardware decoder，咁你播4K時既工作系交比顯卡， CPU 系系度hea緊，咁就唔會拖慢部機。所以新款卡都系有新款卡既好處。
https://www.videocardbenchmark.net
AMD
講講 AMD ，其實 AMD display card，以前系叫ATI，但後來佢唔夠NVIDIA打，就比AMD收購左，其實佢地d卡，性價比系比NVIDIA既高，不過，AMD卡少左CUDA工作方面既優化技術，會打機加做野會蝕抵過NVIDIA d 卡，不過只系打機既話，AMD系不錯既選擇，平均，行AMD既電競平，會比同級行NVIDIA既電競本平30%以上！
屏幕分辦率 – Resolution
1080P or 4K?
好，到屏幕分辦率，其實好多人，會以為4K Mon. 一定好d，清d啦，但系，小編話你知，唔一定，因為你想要既少數高清提升，會令到你Performance(效能)大輻下降，因為你張顯卡，要處理高幾部既畫面數據，冇錯，系幾部！你用算術乘下就知。點解小編會話，少數既高清提升呢？因為，個screen(屏幕)得咁細15.6″為例，講真，同一ppi (pixel per inch)下，我唔會有太大分別。除非你去到 24″+ 以上 mon. 2K 4K 先會明顯清析好多。
咩叫ppi呢？Pixel per inch. 意思系，有幾多像質系一寸裡面。ppi越高系個mon你睇到d黑線就越細，咁就越細致~~
Display RAM
顯卡RAM，其實簡單講，RAM系一個比電腦暫放資料既快速存取地方，Display RAM 就系比啲game放資料，比如圖片，貼圖，等等圖像數據。
咁大家知，當然越大越好，頻率越快越好。
教各位師兄少少野，用一個叫 CPU-Z 既軟件就可以測出，你Display Card 既資料，如用邊代RAM，內核速度等等。
下載地址:
https://www.cpuid.com/softwares/cpu-z.html#version-history
TN \ IPS Panel
依樣好多巴打都該聽過，IPS屏膜一般顏色表現會比TN屏靚，飽和。尤其系黑色既表現，TN出黎既黑色好多都偏灰，層次也不足夠。想像下打rainbow six夜場時，啲野黑嘛嘛，睇唔清比人射瓜左都唔知咩事。
120Hz
120Hz 依樣野，現時都系有少數game支援。120Hz即系一秒有120次刷描落黎閃動，主要會令眼冇咁易攰，同一啲會快速閃動既game會表現流暢啲。
處理器 – CPU
U \ HQ \ MQ CPU?
好啦，講下CPU.. CPU 系效能上次要既硬件。除咗display card外，隻game 順唔順次要系睇CPU。
同一句，細心既巴打會發現，CPU型號後面會有啲英文字。同顯卡一樣，數字越大，效能越快，不過唔好忽略後面英文字，因為佢重要地表示效能速度。
少編講講最常見系電競本既英文代碼：
U – 佢系筆記本電腦既低電壓CPU，一般為雙核，部份高級i7 U CPU 會去到8核比如LENOVO ideapad 320s既 i7-8550U。不過都系雙核為住，同埋佢地內核速度會編慢。同一時頻下比如 U 2.6GHz 同 HQ 2.6GHz , HQ既CPU 可以快 30-60% 或更遠差距。所配既RAM 多數都要返低電壓DDRL版。
HQ – 從4代CPU新出既型號，一般為四核，標準電壓。以正常電壓推動既CPU，效能比U 既CPU明顯快好多，處理流水以至CPU緩存都比U 系列CPU多同快。
MQ – 同樣為四核，不過會系4代CPU之前既作品。睇見佢就知果部筆電比效舊。
聰明既巴打觀衆都會估到，打機當然用HQ最好，所以佢也都經常會出現系啲主流15.6“既電競本上。
同樣地，用CPU-Z可以check到你用緊CPU既速度，緩存等等既資料:
RAM
DDR3 \ DDR4 ? 8G \16G ? Dual Channel ?
大家睇字睇都應該估到 DDR4 系新啲，小編頭先講過，RAM系一個比電腦暫存數據既快速儲存空間。
一般情況下，圖像數據會放系Display RAM度，但其他gamr程式上既資料就會放系RAM度加快存取速度。
當然，條RAM速度越快，整體表現都會加快，比如load game 速度，load 果下野，就系將HDD既資料放住系RAM度先。咁條RAM同HDD快就load得越快。
咁又咩叫Dual Channel呢？首先Dual Channel可以提升Single Channel 20-30%起碼既速度，Dual Channel 雙通道RAM運作系將啲電腦數據以同步寫入兩條RAM度，咁當然會快左啦。但就需要兩條同大小既RAM先實行到，最好同牌兼同速度。
硬碟 – HDD
SSD \ HDD?
一個硬碟既重要性，其實都好緊要，硬碟系你成日會寫讀既設備，佢越快，你等load野既時間就會越快。
SSD 固態硬碟 – 系依幾年興起既快速硬碟。技術外用閃存去存取資料。有啲依RAM，但RAM保存既資料一熄機就冇。一般SSD分 2.5寸，M.2。 M.2 再細分成 mSATA , PCIE .. 現時普遍快既SSD技術系PCIE，市面上大部份既PCIE SSD 都可以去到 2500Mbps 讀取速度或以上，比傳統機器硬碟快上好幾倍。
詳細我地寫左編關於SSD既文章分享下。
HDD – 機器硬碟系用一張碟狀既物體，加磁去保存資料。佢存取時會以高速運轉，市場上一般流行5400rpm 7200rpm 轉速既機器硬碟。當然一樣轉速越快越好。同時，機器硬碟都有一樣野叫做Cache(緩存)，佢系同RAM既理論差唔多，都系一個快速既暫存空間，一般現時筆電既緩存有16,32,64MB不等，越多越好。
擴充能力 – Expandable
至於擴充能力，其實主要都系考慮有冇HDMI同有冇AC wifi。其次會睇下有冇USB 3.0
HDMI 輸出
HDMI 系一個視頻插頭制式，以數碼方式傳送，版本越新可以輸出既分辨率就越高，有啲巴打，佢地想駁部電競本去屋企既大電視打機或者用埋黎睇4K片，咁佢地就必需一個HDMI輸出。
AC WiFi
一個快既wifi ，當然可以幫你快啲download到啲game同文件。AC wifi 暫時黎講好似仲未過到2Gbps,802.11ac 規格上佢系可以以展到7Gbps既。
USB 3.0
USB 3.0 系現時普遍既USB插頭，佢傳送速度5Gbps，比起USB2.0既480Mbps快上10部以上，但要記得，都要睇你插落去件device配備系有幾快，先發揮到極速。
總結
選擇一部電競本好似簡單，其實內裡學問都好多。大多玩家多數都系求暢順，用自己負擔到既budget買到自已想要既要求，其實已經好足夠。切勿玩物喪志。
